میکوں کہیں انسان دے چہرے تے ڈِسے کالا تل تو یاد آندیں
تیڈی یاد ہے شاکر ہر ویلے بھانویں مل نہ مل تو یاد آندیں

کُجھ سوچ سمجھ کے فیصلہ کر، نہ جوش دکھا تو چھوڑ ویسیں
کر شاکرؔکوں برباد سجن، بس لوک ِکھلا تو چھوڑ ویسیں

وفا دار ہاں میں وفا دار رہساں وفاواں دی نگری دا سردار رہساں
محبت کرن جے گناہ ھے تاں شاکرؔگناہ گار ہاں میں گناہ گار ر

غریب کوں کیں غریب کیتے ، امیر زادو جواب ڈیوو
ضرورتاں دا حساب گھنو، عیاشیاں دا حساب ڈیوو

بچا ککھ نئں شاکر جھگیاں وچ

بس یار کوں راضی کر آیاں

دکھ غیر دا شاکر نہیں لگدا
دکھ یار دیوے تاں دکھ لگدے

بغیر تیڈے میں کیکوں ڈیکھاں
توں نظردیں میں جیکوں ڈیکھاں
مزہ تاں ڈیکھنڑ دا ایں ہے شاکر
توں میکوں ڈیکھیں میں تیکوں ڈیکھاں