کجهہ بغض دی ریت وچ نئیں ملدا
کجهہ ہار تے جیت وچ نئیں ملدا
مخلوق خدا نال پیار تے کر
رب صرف مسیت وچ نئیں ملدا

اساں کیا ہیں کیا اوقات ساڈی ساڈے کول ہے کیا تیکوں کیا ڈیسوں
اساں رول ملنگ اساں آپ توں تنگ ہے گال صفا تیکوں کیا ڈیسوں

میڈے وانگ دیوانہ دنیاں وچ ودا سانول گول اجازت ہی
ساڈے وانگ کوئی مخلص نہ مِلسی کائنات پھرول اجازت ہی

ساکوں سٹ ڈکھ دی ترکڑی تے بے وزنا تول اجازت ہی
تیڈے پیار دا شاکر مجرم ہاں ودا دردر رول اجازت ہی

جیویں تیز ہوا دے جھولے وِچ بھا کہیں پاسے دُھوں کہیں پاسے
ایویں شاکر اَج دیاں سنگتاں ہِن دل کہیں پاسے مُونھ کہیں پاسے

جے رونڑ کھیں دے وس ہوندے، توں رو ڈکھلا پتہ لگ ویندے
جیویں عمر نبھی ھے شاکر دی، ہک منٹ نبھا پتہ لگ ویندے

کیتی کوشش ڈھیر بھلاون دی نہیں بھُلدا دل توں یاد آندیں
ہتھ رکھ کہ کہیں دے مونڈے تے کوئی پووے کھل تو یاد آندیں